流行都市｜譚永浩獲蘇民峰上門睇風水指點迷津 努力工作賺錢買樓娶女友杜以辰

譚永浩（Jarryd）入行16年，最近在《白色強人II》中演精神病人李曉。劇中他因病情發作，在隧道用刀斬傷途人，演技令人眼前一亮。Jarryd接受《晴報》訪問，直言好開心角色得到好好的迴響，「當初導演同我溝通咗好耐，希望呈現到一種不一樣嘅恐懼感畀觀眾。而劇集出咗街之後，有呢一個迴響，我相信除咗我之外，幕後團隊都會好開心。我真係好多謝佢哋，全靠導演指導，加上攝影師、燈光師、剪接師嘅加乘，先營造到呢一個氛圍。」

{{hket:inline-image name="T17_600.jpeg"}}{{/hket:inline-image}}

同場加映：痞子殿下丨周嘉洛劇接劇零假期猝睡嚴重 努力增值望配得上「最佳男配角」

{{hket:ul-video id="6426"}}{{/hket:ul-video}}

而在早前一集《流行都市》中，蘇民峰同大王安德尊上Jarryd位於天后的屋企睇風水，網民意外發現Jarryd屋企原來相當大！不過Jarryd原來錯擺了風水物，幸得蘇師傅指正。Jarryd表示自己好多謝蘇師傅咁大方，願意上節目做嘉賓，「大家都知要請到蘇師傅睇風水係唔容易。我當然𦧲飯應啦！ 師傅亦都好好人，乜嘢都肯答。我完全係公器私用！」

他續說：「蘇師傅有幫我執返正個床位，話而家我瞓係度都會有人緣運。咁就希望我會遇到多啲台前幕後嘅功臣幫助啦！」

{{hket:inline-image name="t.png"}}{{/hket:inline-image}}

單親家庭長大的Jarryd，現與任職會計師的媽媽及滾軸溜冰港隊妹妹譚芷澄同住，他指在此住了8年，亦不時邀請朋友上來聚會。Jarryd與女友杜以辰拍拖3年，他謂之後都想與對方買樓成家立室：「同女朋友都會想擁有自己嘅地方，所以我要更加努力，畀心機工作賺錢。（Dream House係點？）唔使好大，但我哋都想間屋以白色為主，有落地玻璃，最好就望到海啦！」

圖片來源：《流行都市》截圖、譚永浩IG

《白色強人II》│譚永浩演精神病無差別隧道斬人 眼神空洞獲讚 入行16年發展平平【下一頁】

撰文：林惠珊